کوہاٹ: انڈس ہائی وے پر حادثہ، تین خواتین اور دو بچوں سمیت 17 افراد جاں بحق
02 فروری ، 2023
کوہاٹ میں انڈس ہائی وے پر ٹنل کے قریب وین اور ٹریلر میں ٹکر کے نتیجے میں تین خواتین اور دو بچوں سمیت 17 افراد جاں بحق ہو گئے۔
ریسکیو ذرائع کا کہنا ہے کہ حادثے کی اطلاع ملتے ہی ریسکیو ٹیموں نے موقع پر پہنچ کر امدادی کارروائیاں شروع کردیں، حادثے میں 17 افراد جاں بحق جبکہ متعدد زخمی ہوئے ہیں۔
اسپتال ذرائع کے مطابق جاں بحق افراد میں 3 خواتین اور دو بچے بھی شامل ہیں۔
