04 فروری ، 2023 
پاکستان
فوٹو: فائل
شیخ رشید کے ساتھ عمران خان کے خلاف بھی کارروائی ہونی چاہیے: قمر زمان کائرہ
04 فروری ، 2023
قمر زمان کائرہ نے کہا ہے کہ پیپلز پارٹی کی قیادت پر دہشتگردوں سے تعلق کا الزام لگانے پر شیخ رشید کے ساتھ ساتھ عمران خان کے خلاف بھی کارروائی ہونی چاہیے۔
جیو نیوز کے پروگرام ’’آج شاہزیب خانزادہ کے ساتھ‘‘ میں بات چیت کرتے ہوئے پاکستان پیپلز پارٹی (پی پی پی) کے رہنما قمر زمان کائرہ نے کہا کہ عمران خان کے دور میں ہم ہر قسم کے اختلاف کے باوجود دہشتگردی کے خلاف اجلاسوں میں شرکت کرتے تھے، عمران خان کو بھی آنا چاہیے تھا۔
انہوں نے کہا کہ سیاست میں مخالفت ہوتی ہے ، نفرت نہیں ، عمران مخالفت اور نفرت کا فرق بھلا بیٹھے ہیں ۔
