04 فروری ، 2023 
افغانستان میں خواتین کی اعلیٰ تعلیم پر پابندی کیخلاف احتجاج کرنیوالا لیکچرار گرفتار
04 فروری ، 2023
افغانستان میں خواتین کی اعلیٰ تعلیم پر پابندی کے خلاف ٹی وی پر احتجاج کرنے والے یونیورسٹی لیکچرار کو گرفتار کرلیا گیا۔
خبرایجنسی کے مطابق شعبہ صحافت کے معروف لیکچرار اسماعیل مشعل نے طالبان حکام کی طرف سے خواتین کی اعلیٰ تعلیم پر پابندی عائد کرنے کے فیصلے پر احتجاج کرتے ہوئے گزشتہ سال دسمبر میں ٹی وی پر اپنی ڈگری اور سرٹیفکیٹس پھاڑ کر پھینک دیے تھے۔
اب طالبان حکومت نے یونیورسٹی لیکچرار کو گرفتار کرکے تشدد کا نشانہ بنایا ہے۔ افغان وزارت اطلاعات و ثقافت کے وزیر عبدالحق حماد نے جاری بیان میں لیکچرار کو گرفتار کرنے کی تصدیق کرتے ہوئے کہا کہ لیکچرار کافی عرصے سے اشتعال پھیلانے میں مصروف تھے اس لیے سکیورٹی اداروں نے تفتیش کے لیے انہیں گرفتارکیا۔
رپورٹ کے مطابق حالیہ دنوں اسماعیل مشعل کو کابل میں راستے میں ملنے والے شہریوں کو کتابیں پیش کرتے ہوئے دیکھا گیا تھا۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
