15 فروری ، 2023 
کھیل
ظہیر عباس کی رہائش گاہ پر ہونے والی یہ ملاقات ایک گھنٹہ جاری رہی جس میں مختلف امور پر بات چیت ہوئی: ترجمان پی سی بی— فوٹو: پی سی بی
سربراہ پی سی بی منیجمنٹ کمیٹی نجم سیٹھی کی ظہیر عباس سے ملاقات
15 فروری ، 2023
پاکستان کرکٹ بورڈ (پی سی بی) منیجمنٹ کمیٹی کے سربراہ نجم سیٹھی نے آج کراچی میں انٹرنیشنل کرکٹ کونسل (آئی سی سی) کے سابق صدر اور پاکستان کرکٹ ٹیم کے سابق کپتان ظہیر عباس سے ملاقات کی۔
پی سی بی ترجمان کے مطابق ظہیر عباس کی رہائش گاہ پر ہونے والی یہ ملاقات ایک گھنٹہ جاری رہی جس میں مختلف امور پر بات چیت ہوئی۔
نجم سیٹھی نے ظہیر عباس سے ان کی صحت کے بارے میں پوچھا اور ان کیلئے نیک خواہشات کا بھی اظہار کیا۔
75 سالہ ظہیر عباس گزشتہ دنوں علیل رہے، پچھلے سال کووڈ کی وجہ سے ان کی صحت بگڑی تھی جس کے بعد انہیں لندن کے اسپتال میں داخل کرایا گیا تھا۔
