15 فروری ، 2023 
شاہین آفریدی میں ایک اچھے کپتان کی تمام نشانیاں موجود ہیں: ڈیوڈ ویزے
15 فروری ، 2023
لاہور قلندرز کے بیٹر ڈیوڈ ویزے کا کہنا ہے کہ لاہور قلندرز نے مجھے اس وقت موقع دیا جب میں زیادہ لیگز نہیں کھیلتا تھا۔
ڈیوڈ ویزے نے کراچی میں پریس کانفرنس کرتے ہوئے بتایا کہ لاہور قلندرز کی ٹیم نے ہمیشہ مجھے بیک کیا، میں نے بھی پرفارم کیا، قلندرز نے ہمیشہ ٹیلنٹ کو فروغ دینے کیلئے کام کیا ہے، قلندرز کا پلیئرز ڈویلپمنٹ پروگرام مثالی ہے۔
انہوں نے کہا کہ حارث رؤف کا اوپر آنا بتاتا ہے کہ لاہور قلندرز نے کس طرح ٹیلنٹ کو فروغ دیا، کراچی کنگز کے خلاف مقابلہ اچھا ہوگا، بڑے شہروں کا بڑا میچ ہوگا، پہلے ہمارا ریکارڈ اچھا نہیں تھا لیکن گزشتہ دو سال میں ہم نے ریکارڈ بہتر کیا ہے، ٹورنامنٹ میں شروعات اچھی کی ہے، امید ہے اور بہتر پرفارمنس دے کر اگلے راؤنڈ میں جائیں گے۔
ڈیوڈ ویزے نے کہا کہ لاہور قلندرز کا بولنگ اٹیک بہترین ہے، شاہین اور زمان خان نے جس طرح ڈیتھ اوورز میں بولنگ کی وہ مثالی تھی، راشد خان کے آنے سے ہماری بولنگ اور بھی مضبوط ہوجائے گی، شاہین نوجوانی میں بہت زبردست کپتانی کر رہے ہیں، شاہین کی کرکٹنگ سوچ کافی تگڑی ہے، شاہین بطور کپتان دوسروں سے مشورہ کرنے میں بالکل نہیں گھبراتا، شاہین آفریدی میں ایک اچھے کپتان کی تمام نشانیاں موجود ہیں۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
