ویمن ٹی 20 ورلڈکپ: پاکستان کی منیبہ نے سنچری اسکور کر کے تاریخ رقم کر دی
15 فروری ، 2023
ویمن ٹی ٹوئنٹی ورلڈ کپ میں پاکستان کی منیبہ علی نے سنچری اسکور کر کے تاریخ رقم کر دی۔
کیپ ٹاؤن میں کھیلے جا رہے آئی سی سی ویمن ٹی ٹوئنٹی ورلڈکپ میں گروپ ٹو کے میچ میں پاکستان کی منیبہ علی نے آئر لینڈ کے خلاف 66 گیندوں پر شاندار سنچری اسکور کی۔
منیبہ کی اننگز میں 14 چوکے شامل تھے اور انہوں نے مجموعی طور پر 68 گیندوں پر 150 کے اسٹرائیک ریٹ سے 102 رنز کی اننگز کھیلی۔
پاکستان ویمن ٹیم نے آئر لینڈ کی ٹیم کو جیت کے لیے 166 رنز کا ہدف دیا ہے۔ پاکستان کی جانب سے ندا ڈار نے بھی 33 رنز کی اننگز کھیلی۔
منیبہ پاکستان کی جانب سے ویمن ٹی ٹوئنٹی انٹرنیشنل اور ویمن ٹی ٹوئنٹی ورلڈکپ میں سنچری اسکور کرنے والی پہلی بیٹر بن گئی ہیں۔
مزید خبریں :
پیرس اولمپکس میں بہترین کارکردگی ٹارگٹ ہے: ارشد ندیم
3 گھنٹے پہلے
