انٹرٹینمنٹ

’ ندا کو سی ایس ایس کا امتحان دینا چاہیے‘، یاسر حسین کا ویڈیو پر تبصرہ

18 فروری ، 2023

کچھ روز قبل ڈیجیٹل پلیٹ فارم اردو فلکس پر راولپنڈی ایکسپریس شعیب اختر کے پروگرام کا ایک کلپ وائرل ہوا تھا/ فوٹو انسٹاگرام

پاکستانی اداکار یاسر حسین نے مارننگ شو کی میزبان ندا یاسر کے حالیہ وائرل کلپ پر تبصرہ کیا ہے۔

کچھ روز قبل ڈیجیٹل پلیٹ فارم اردو فلکس پر راولپنڈی ایکسپریس شعیب اختر کے پروگرام کا ایک کلپ وائرل ہوا جس میں پاکستان کی دو معروف مارننگ شو ہوسٹ ندا یاسر اور شائستہ لودھی بطور مہمان شریک ہوئیں۔

ندا سے شعیب اختر نے پاکستان کے ورلڈ کپ جیتنے سے متعلق سوال پوچھا جس پر وہ ڈگمگاگئیں۔

اسی وائرل کلپ پر جہاں سوشل میڈیا صارفین نے ندا یاسر پر تنقید کی اور میمز بنائیں وہیں یاسر حسین نے بھی تبصرہ کیا جس سے یہ واضح نہ ہوسکا کہ یاسر ندا پر طنز کررہے ہیں یا ان کی حمایت کررہے ہیں۔

یاسر حسین نے انسٹاگرام پر اسٹوری پوسٹ کی اور لکھا 'کوئی بھی شخص اگر صبح صبح 2 گھنٹے کا لائیو شو کرے گا تو اس کا بھی دماغ اتنا ہی چلے گا'۔

انہوں نے اسٹوری میں ندا کو مینشن کیا اور کہا 'میرے خیال میں ندا کیوٹ ہیں اور میرے خیال سے انہیں سی ایس ایس (مقابلے) کا امتحان دینا چاہیے'۔

ندا یاسر کا اس حوالے سے بیان

اس سے قبل ندا یاسر نے ٹرولنگ کرنے والوں کو آڑے ہاتھوں لیتے ہوئے سوشل میڈیا پر اسٹوری پوسٹ کی تھی۔

یہ بھی پڑھیں

ندا نے انسٹاگرام اسٹوری پر لکھا کہ ' ایسا میں نے کیا کردیا؟ لوگ اپنی تاریخ پیدائش اور شادی کی تاریخ اوربہت کچھ بھول جاتے ہیں'۔

انہوں نے لکھا کہ 'مجھے معلوم ہے کہ حالات کی وجہ سے بہت ڈپریشن ہے، اگر میری کسی غلطی سے آپ کے چہرے پر مسکراہٹ آرہی ہے تو کھل کر ہنسیں لیکن جس کو اللہ رکھے اس کو کون چکھے'۔

ندا یاسر نے کہا کہ جو مجھ سے واقعی پیار کرتے ہیں وہ کرتے رہیں گے، اس لیے میرا نعرہ ہے پیچھے ہٹ!