19 فروری ، 2023 
پاکستان
فوٹو: جیو نیوز
اسلامیہ کالج یونیورسٹی پشاور میں چوکیدارکی فائرنگ سے لیکچرار جاں بحق
19 فروری ، 2023
اسلامیہ کالج یونیورسٹی پشاور میں چوکیدار نے فائرنگ کرکے لیکچرار کو قتل کردیا۔
پولیس کے مطابق اطلاعات ہیں کہ چوکیدار اور لیکچرار کے درمیان جھگڑا ہوا تھا، جس کے بعد چوکیدار نے فائرنگ کردی جس کے نتیجے میں لیکچرار جاں بحق ہوگئے۔
پولیس کا کہنا ہےکہ فائرنگ کےبعد چوکیدار فرار ہوگیا جس کی تلاش جاری ہے اور واقعے کے حوالے سے مزید تحقیقات بھی کی جا رہی ہیں۔
دوسری جانب یونیورسٹی ترجمان کا کہنا ہےکہ لیکچرار بشیر کا تعلق مردان سے ہے، مقتول کا چوکیدار کے ساتھ پہلے سے جھگڑا چل رہا تھا، چوکیدار نے آج دوبارہ تلخ کلامی پر مبینہ طور پر لیکچرار کو قتل کیا۔
