01 مارچ ، 2023 
کھیل
فوٹو: اسکرین گریب
پی ایس ایل8: حسن علی کی لاہور سے اسلام آباد فلائٹ میں شرارتیں،کاک پٹ میں پہنچ گئے
01 مارچ ، 2023
پاکستان سپر لیگ( پی ایس ایل) کی ٹیم اسلام آباد یونائیٹڈ ٹورنامنٹ کے بقیہ میچز کیلئے اسلام آباد پہنچ گئی۔
اسلام آباد یونائیٹڈ کے فاسٹ بولر حسن علی کی لاہور سے اسلام آباد فلائٹ میں شرارتیں جاری رہیں، وہ کیبن میں مختلف اعلانات کرتے رہے، کوچ اظہر محمود کی سالگرہ کا بھی اعلان کیا۔
اس کے علاوہ شرارتیں کرتے حسن علی کاک پٹ میں بھی پہنچ گئے۔
واضح رہے کہ اسلام آباد یونائیٹڈ کی ٹیم ہوم گراؤنڈ پر اگلے پانچ میچز کھیلے گی، یونائیٹڈ کا ہوم سٹی میں پہلا پریکٹس سیشن آج شام ہوگا۔
اسلام آباد یونائیٹڈ کی ٹیم اسلام آباد کلب میں پریکٹس سیشن کرے گی، وہ راولپنڈی اسٹیڈیم میں 3 مارچ کو کراچی کنگز سے مقابلہ کرے گی۔
