شاہین شاہ نے بحیثیت کپتان بہت متاثر کیا، اُن سے سیکھ رہا ہوں : سیم بلنگز

 ایچ بی ایل پاکستان سپر لیگ (پی ایس ایل ) سیزن 8 کی ٹیم  لاہور قلندرز کے  بیٹر سیم بلنگزکا کہنا ہے کہ پاکستان میں پہلی مرتبہ آیا ہوں  بہت لطف اندوز ہو رہا ہوں ۔

سیم بلنگز انگلینڈ کی جانب سے 3 ٹیسٹ ، 28 ون ڈے اور 37 ٹی ٹوئنٹی میچز کھیل چکے ہیں۔

سیم بلنگز نے جیو نیوز سے گفتگو کرتے ہوئے کہا کہ پاکستان سپر لیگ میرا پہلا فرنچائز ٹورنا منٹ ہے پی ایس ایل ون اور ٹو اسلام آباد کی طرف سے کھیلا، اب لاہور قلندرز نے مجھے ایک بہت اچھا موقع دیا ہے کہ پاکستان آکر کھیلوں، لاہور کے شاندار گراؤنڈ کے سامنے ہمارے دونوں میچز بڑے اچھے رہے ہیں جو سپورٹ ہمیں مل رہی ہے اس کا جواب نہیں ، مجھےیہاں کھیل کر گیم کے بارے میں سیکھنے کا مزید موقع ملے گا۔

   ماڈرن ڈے کرکٹر کو ہر طرح کی کنڈیشنز میں جلد ایڈجسٹ ہونا پڑتا ہے : سیم بلنگز

سیم بلنگز مصروف ترین کرکٹرز میں سے ایک ہیں دنیا بھر میں لیگ کرکٹ کھیلتے ہیں جن کا کہنا ہے کہ   ماڈرن ڈے کرکٹر کو ہر طرح کی کنڈیشنز میں جلد ایڈجسٹ ہونا پڑتا ہے۔

میں گزشتہ نومبر سے کرکٹ کے لیے گھر سے باہر ہوں پہلے آسٹریلیا کے خلاف ون ڈے سیریز کھیلا پھر میں بگ بیش میں مصروف ہو گیا دبئی میں آئی ایل ٹی ٹوئنٹی کے بعد ایک ہفتے کے لیے گھر گیا فیملی کو دیکھا اور تازہ دم ہوا اور پھر پی ایس ایل کے لیے فلائٹ لی اور سیدھا پہلے میچ کے لیے لاہور میں دستیاب ہوا ۔

لاہور قلندرز کے بیٹر سیم بلنگز نے ایک سوال کے جواب میں کہا کہ شاہین آفریدی، حارث رؤف ،راشد خان اور فخر زمان جیسے کھلاڑیوں کی ٹیم کا حصہ بننے پر اچھا لگ رہا ہے میں نے ان کے خلاف بہت کرکٹ کھیلی ہے ان کے خلاف کھیلنا بہت مشکل ہوتا ہے۔

 پی ایس ایل میں بہت مقابلہ ہوتا ہے جس کی خاص بات یہ ہے کہ اس میں 140سے زائد کی اسپیڈ کے بولرز کا سامنا ہوتا ہے 

سیم بلنگز کا کہنا تھا کہ   مجھے خوشی ہے کہ اب میں ان کی ٹیم میں ہوں، ہماری ٹیم میں ٹیلنٹ بہت ہے،  شاہین آفریدی نے بحیثیت کپتان مجھے بہت متاثر کیا ہےان  سے سیکھ رہا ہوں شاہین نوجوان فاسٹ بولر ہیں تکنیکی طور پر  اچھی کپتانی کر رہے ہیں وہ گیم کو بڑی اچھی طرح جان جاتے ہیں،۔

انگلش کرکٹر سیم بلنگز کا ماننا ہے کہ ہر لیگ کے مختلف چیلنجز ہوتے ہیں،  پی ایس ایل میں بہت مقابلہ ہوتا ہے جس  کی خاص بات یہ ہے کہ اس میں 140سے زائد کی اسپیڈ کے بولرز کا سامنا ہوتا ہے ہر ٹیم کے پاس حقیقی پیس بولرز ہیں یہی چیز پی ایس ایل کو دوسری ٹیموں سے مختلف بناتی ہے۔

انھوں نے مزید کہا کہ  پی ایس ایل میں تیز رفتار بولرز بیٹرز کے لیے ایک چیلنج ہے پاکستان میں آکر کھیلنا میرے لیے ایک اچھا تجربہ ہے کیونکہ مجھے گیم کے بارے میں سیکھنے کا موقع ملے گا۔