06 مارچ ، 2023 
پاکستان
کراچی میں ماہ فروری میں اسٹریٹ کرائم کی 7ہزار کے قریب وارداتیں رپورٹ ہوئیں— فوٹو: فائل
کراچی میں اسٹریٹ کرمنلز کا راج: فروری میں 4 ہزار موٹر سائیکلیں چوری، 2 ہزار فون چھینے گئے
06 مارچ ، 2023
کراچی میں اسٹریٹ کرمنلز کا راج ہے اور شہر میں صرف فروری میں اسٹریٹ کرائم کی 7 ہزار وارداتیں ہوئيں۔
کراچی میں جرائم کی وارداتیں تھم نہ سکیں، اسٹریٹ کرائم پر قابو پانے کے پولیس کے دعوے بے سود نظر آنے لگے۔
ماہ فروری میں اسٹریٹ کرائم کی 7ہزار کے قریب وارداتیں رپورٹ ہوئیں، فروری میں موبائل فون چھیننے کی 2255 وارداتیں رپورٹ ہوئیں۔
سی پی ایل سی کے مطابق گزشتہ ماہ موٹر سائیکل چوری ہونے کی 4054 واردتیں رپورٹ ہوئیں، فروری میں اسلحہ کے زور پر 326 موٹر سائیکلیں چھینی گئیں اور کار چوری کی 163 وارداتیں رپورٹ کی گئیں۔
حکام نے بتایا کہ اسلحہ کے زور پر 15 شہریوں کو گاڑیوں سے محرم کردیا گیا۔
