08 مارچ ، 2023 
انتخابات کیلئے فنڈز اور سکیورٹی کا معاملہ، الیکشن کمیشن نے حکام وزارت داخلہ و خزانہ کو طلب کرلیا
08 مارچ ، 2023
الیکشن کمیشن نے انتخابات کے لیے سکیورٹی اور فنڈز کے معاملے پر بریفنگ کے لیے وزارت داخلہ اور وزارت خزانہ کے حکام کو طلب کر لیا۔
الیکشن کمیشن نے وزارت داخلہ اور وزارت خزانہ کے سیکرٹریز کو کل دوپہر بریفنگ کے لیے طلب کیا ہے، دونوں وزارتوں کے سیکرٹریز متعلقہ معاملات پر الیکشن کمیشن کو تفصیلی بریفنگ دیں گے۔
الیکشن کمیشن کے مطابق وزارت خزانہ سے انتخابات کے انعقاد کے لیے فنڈز کی فراہمی کا کہا جائے گا جبکہ وزارت داخلہ کو الیکشن کی سکیورٹی کے لیے آرمی، رینجرز اور دیگر قانون نافذ کرنے والے اداروں کی فراہمی یقینی بنانے کا کہا جائے گا۔
حکام الیکشن کمیشن کے مطابق وزارت داخلہ سے یہ بھی کہا جائے گا کہ جی ایچ کیو اور وزارت دفاع سے رابطہ کرکے فوج کی الیکشن ڈیوٹی کو یقینی بنائیں۔
یاد رہے کہ الیکشن کمیشن نے پنجاب اسمبلی کے انتخابات کے لیے شیڈول جاری کر دیا ہے جبکہ گورنر خیبر پختونخوا غلام علی نے صوبے میں الیکشن کی تاریخ کے لیے مزید ایک ہفتہ مانگ لیا ہے۔
مزید خبریں :
کراچی میں خلع کیسز دائر کرنے کی تعداد دگنا ہوگئی
44 منٹ پہلے
لاہور ہائیکورٹ کا عمر قید کے ملزم کو رہا کرنے کا حکم
6 گھنٹے پہلے
