14 مارچ ، 2023 
پاکستان
کراچی میں پلاٹ تنازع پر دو گروپوں میں فائرنگ ، پولیس تماشہ دیکھتی رہی
14 مارچ ، 2023
کراچی کے علاقے قائد آباد میں پلاٹ کے تنازع پر 2 گروپوں میں فائرنگ ہوئی جس دوران 2 افراد زخمی ہوگئے۔
پولیس کے مطابق مدینہ ٹاؤن میں پلاٹ پر قبضے کا تنازع مختار تنولی اور وسیم کے مابین ہوا جس کے نتیجے میں 2 افراد مختیار اور مدثر زخمی ہوگئے تاہم اس دوران پولیس اہلکار تماشائی بنے نظر آتے رہے۔
جھگڑے اور ہاتھا پائی کے دوران پولیس اہلکاروں کی موجودگی کی ویڈیو سامنے آگئی ہے، جس میں پولیس اہلکار کو تماشا دیکھتے دیکھا جاسکتا ہے۔
پولیس کا کہنا ہے کہ جھگڑے کی اطلاع پر پولیس اہلکار موقع پر پہنچے تاہم پولیس کے پہنچنے پر تصادم ہوگیا ، دونوں پارٹیوں کے خلاف قانونی کارروائی عمل میں لائی جا رہی ہے۔
