18 مارچ ، 2023
وزیر اعظم شہباز شریف نے سابق وزیراعظم عمران خان کو شدید تنقید کا نشانہ بنایا ہے۔
اپنے بیان میں شہباز شریف کا کہنا تھاکہ گزشتہ چند دنوں کے واقعات سے عمران خان کا فاشسٹ اور انتہاپسند چہرہ بے نقاب ہوگیا۔
انہوں نے کہا کہ لوگوں کو انسانی ڈھال بنانا، پولیس پر پیٹرول بم پھینکنا، جتھوں کی قیادت کرکے عدلیہ کو خوفزدہ کرنا، عمران خان نے یہ سبق بھارتی انتہاپسند تنظیم آر ایس ایس سے سیکھا ہے۔
خیال رہے کہ عمران خان کی آج اسلام آباد کے جوڈیشل کمپلیکس میں پیشی تھی تاہم اس دوران بھی اسلام آباد میں ہنگامہ آرائی ہوئی۔