19 مارچ ، 2023 
پاکستان
اسسٹنٹ کمشنر کی مدعیت میں چیف آفیسر میونسپل کمیٹی کے خلاف مقدمہ درج کرلیا گیا ہے: پولیس— فوٹو: فائل
احمد پور شرقیہ میں 2 نوجوان سیوریج لائن کے مین ہول میں گر کر جاں بحق
19 مارچ ، 2023
پنجاب کی تحصیل احمد پور شرقیہ میں 2 نوجوان سیوریج لائن کے مین ہول میں گر کر جاں بحق ہوگئے۔
ریسکیوذرائع کے مطابق نوجوان اندھیرے کی وجہ سے منیر شہید چوک کے قریب کھلے مین ہول میں گرگئے اور جاں بحق ہوگئے۔
ریسکیو ذرائع کا کہنا تھاکہ مین ہول سے دونوں کی لاشیں نکال کر تحصیل ہیڈ کوارٹر اسپتال منتقل کردی گئی ہیں جبکہ جاں بحق افرادکی شناخت کلیم اللہ اور اویس کے نام سےہوئی ہے۔
نگران وزیراعلیٰ محسن نقوی نے سیوریج مین ہول میں گرکر 2 نوجوانوں کی ہلاکت کا نوٹس لے لیا اور واقعے کی رپورٹ طلب کرلی ہے۔
پولیس کے مطابق اسسٹنٹ کمشنر کی مدعیت میں چیف آفیسر میونسپل کمیٹی کے خلاف مقدمہ درج کرلیا گیا ہے۔
