29 مارچ ، 2023 
کرینہ کپور عرفی جاوید کے فیشن کی معترف
29 مارچ ، 2023
بالی وڈ بیبو کرینہ کپور نے متنازع فیشن کے سبب خبروں میں رہنے والی عرفی جاوید کے فیشن کی تعریف کی ہے۔
حال ہی میں دیے گئے ایک انٹرویو میں کرینہ نے عرفی جاوید کے حوالے سے بات کرتے ہوئے کہا کہ فیشن دراصل اظہار رائے اور آزادی اظہار کا نام ہے، میرا خیال ہے جس طریقے اور اعتماد سے عرفی فیشن کرتی ہیں اس میں وہ اچھی لگتی ہیں۔
انہوں نےکہا کہ حقیقت یہ ہے کہ وہ بالکل ویسا ہی کرتی ہے جیسا وہ چاہتی ہے اور یہ ہی فیشن ہے آپ جو کرنے میں آسانی محسوس کرتے ہیں وہ کام کریں، مجھے عرفی کا اعتماد پسند ہے اور میں بھی ایک پر اعتماد لڑکی ہوں، میں اعتماد کو پسند کرتی ہوں۔
کرینہ کا کہنا تھا کہ جس اعتماد کے ساتھ عرفی چلتی ہے مجھے وہ بھی پسند ہے۔
انٹرویو کے دوران میزبان نے کرینہ سے پوچھا کہ کیا آپ عرفی کے جیسے کپڑے پہننے کی ہمت کریں گی؟ اس کے جواب میں اداکارہ نے کہا کہ میں ہر طرح کے لباس میں کمال کرسکتی ہوں لیکن میں عرفی کی طرح دلیر نہیں ہوں۔
مزید خبریں :
سوناکشی کو کس اداکار نے بڑی عمر کا کہہ کر فلم سے نکلوایا تھا؟
20 دسمبر ، 2024
