30 مارچ ، 2023 
شکیب الحسن نے ٹی ٹوئنٹی انٹرنیشنلز میں اہم اعزاز حاصل کر لیا
30 مارچ ، 2023
بنگلادیش کے اسٹار آل راؤنڈر شکیب الحسن نے نیوزی لینڈ کے فاسٹ بولر ٹم ساؤتھی کو پیچھے چھوڑتے ہوئے ٹی ٹوئنٹی انٹرنیشنلز میں اہم اعزاز اپنے نام کرلیا۔
شکیب الحسن ٹی ٹوئنٹی انٹرنیشنلز میں سب سے زیادہ وکٹیں حاصل کرنے والے بولر بن گئے۔
انہوں نے آئرلینڈ کے خلاف دوسرے ٹی ٹوئنٹی میں 5 وکٹیں حاصل کرتے ہوئے ٹی ٹوئنٹی انٹرنیشنلز میں 136 وکٹیں مکمل کیں۔
اسی کے ساتھ شکیب الحسن نیوزی لینڈ کے ٹم ساؤتھی کو پیچھے چھوڑتے ہوئے ٹی ٹوئنٹی انٹرنیشنلز میں سب سے زیادہ وکٹیں لینے والے بولر بن گئے۔
شکیب الحسن نے 2006 میں زمبابوے کے خلاف ٹی ٹوئنٹی میں ڈیبیو کیا اور تب سے اب تک وہ 114 میچز میں ریکارڈ 136 وکٹیں حاصل کرچکے ہیں۔
اس کے علاوہ انہوں نے 122.33کے اسٹرائیک ریٹ سے 2 ہزار 339 رنز بنائے ہیں، یہی وجہ ہے کہ شکیب الحسن کا شمار دنیا کے بہترین آل راؤنڈرز میں ہوتا ہے۔
واضح رہے کہ بنگلادیش نے شکیب الحسن کے 38 رنز اور 5 وکٹوں کی بدولت آئرلینڈ کو دوسرے ٹی ٹوئنٹی میں 77 رنز سے شکست دے دی۔
مزید خبریں :
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
معروف میکسیکن ریسلر 66 برس کی عمر میں چل بسے
22 دسمبر ، 2024
