کوئٹہ پولیس کے اہلکار منشیات کی اسمگلنگ میں ملوث نکلے
01 اپریل ، 2023
کوئٹہ سے کراچی منشیات اسمگلنگ میں پولیس اہلکار ملوث نکلے۔
جیونیوز کے مطابق کراچی کے موچکو تھانے کی حدود میں کارروائی کی گئی جس میں کوئٹہ سے کراچی منشیات اسمگل کرنے کے الزام میں کوئٹہ پولیس کے دو اہلکار اور ان کے ساتھیوں کو گرفتار کرلیا گیا۔
پولیس کے مطابق لاکھوں روپےمالیت کی 18کلو 600 گرام چرس برآمد کرکے اے این ایف ایکٹ کے تحت مقدمہ درج کرلیا گیا۔
