03 اپریل ، 2023 
پاکستان
دوران پرواز طیارے میں فنی خرابی پیدا ہوئی، طیارے میں 150 مسافر سوار تھے: ذرائع— فوٹو:فائل
اسلام آباد سے جدہ جانے والی نجی ائیرلائن کی کراچی ائیرپورٹ پر ہنگامی لینڈنگ
03 اپریل ، 2023
اسلام آباد سے جدہ جانے والی ملکی نجی ائیرلائن کے طیارے نے کراچی ائیرپورٹ پر ہنگامی لینڈنگ کی ہے۔
ذرائع کے مطابق نجی ائیر لائن کی پرواز میں 150 سے زائد مسافر سوار تھے اور دوران پرواز طیارے میں فنی خرابی پیدا ہوئی۔
ذرائع نے بتایا کہ طیارے کے کپتان نے کراچی ائیر ٹریفک کنٹرول کو ہنگامی لینڈنگ کی اطلاع دی جس کے بعد طیارہ بحفاظت کراچی ائیرپورٹ پر لینڈ کیا۔
ائیرپورٹ ذرائع کا کہنا ہے کہ ضروری جانچ پڑتال کے بعد پرواز کو جدہ کے لیے روانہ کر دیا گیا۔
