11 اپریل ، 2023
امریکی رکن کانگریس ٹڈ لیو کی پاکستان تحریک انصاف کے چیئرمین عمران خان سے ٹیلی فون پر بات چیت ہوئی ہے۔
ٹیلی فونک گفتگو میں امریکی رکن کانگریس نے عمران خان سے پاکستان میں انسانی حقوق کی صورتحال اور جمہوریت کو مبینہ خطرات پر بات کی۔
امریکی رکن کانگریس ٹڈ لیو نے عمران خان کو یقین دہانی کرائی کہ امریکی محکمہ خارجہ سے کہا جائے گا کہ وہ پاکستان میں مبینہ غیرمنصفانہ اقدامات پر مداخلت کرے۔
پاکستانی امریکن ڈیموکریٹ ڈاکٹرآصف نے ٹڈلیوکی عمران خان سے بات کرائی تھی۔
واضح رہے کہ ٹڈ لیو کانگریس کے با اثر ترین ڈیمو کریٹک کاکس کے وائس چیئر ہیں۔