11 اپریل ، 2023 
پاکستان کرکٹ ٹیم میں مثبت تبدیلی لانے کی کوشش کروں گا، ہیڈ کوچ گرانٹ بریڈبرن
11 اپریل ، 2023
پاکستان کرکٹ ٹیم کے نئے ہیڈ کوچ گرانٹ بریڈ برن کا کہنا ہے کہ پاکستان پہنچنے پر بڑا اچھا استقبال کیا گیا، پہلی بار 1990 میں نیوزی لینڈ کرکٹ ٹیم کے ہمراہ پاکستان آیا تھا۔
گرانٹ بریڈبرن نے مزید کہا کہ پاکستان میں تین سال تک کوچنگ کی، تجربہ بڑا شاندار رہا، دوبارہ پاکستان ٹیم کی کوچنگ کرنا اعزاز کی بات ہے۔
انہوں نے کہا کہ پاکستان کرکٹ ٹیم میں مثبت تبدیلی لانے کی کوشش کروں گا۔
بریڈبرن کا کہنا تھا کہ پاکستان واپس آکر بے حد خوشی محسوس ہورہی ہے۔ رات دو بجے بھی میرا پرتپاک استقبال کیا گیا، دوبارہ یہاں آکر کام کرنا میرے لیے اعزاز کی بات ہے۔
انہوں نے کہا کہ میں پہلی مرتبہ 1990 میں پاکستان آیا جب نیوزی لینڈ ٹیم نے یہاں کا دورہ کیا تھا، پھر بحیثیت کوچ میں نے تین زبردست سال اس ٹیم کے ساتھ گزارے اور واقعی یہ اعزاز کی بات ہے۔
بریڈ برن نے کہا کہ مکی آرتھر اور پاکستانی پلیئرز کے ساتھ کام کرنے کابہترین تجربہ رہے گاجس کے لیے میں پرجوش ہوں ، پاکستان ٹیم میں بے پناہ ٹیلنٹ موجود ہے، ضرورت اس بات کی ہے کہ اس ٹیلنٹ کو مزید نکھارنے میں اپنا کردار ادا کروں۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
