13 اپریل ، 2023 
مکیش امبانی کے بیٹے کی سالگرہ میں کونسے دو پاکستانی گلوکاروں نے آواز کا جادو جگایا؟
13 اپریل ، 2023
گزشتہ دنوں بھارت کے کھرب پتی تاجر مکیش امبانی کے چھوٹے بیٹے آننت امبانی کی سالگرہ کی شاندار تقریب دبئی میں منعقد ہوئی۔
آننت امبانی نے اپنی 28 ویں سالگرہ منگیتر رادھیکا مرچنٹ، اہل خانہ اور قریبی دوستوں کے ہمراہ دبئی میں منائی، تقریب میں معروف شخصیات نے بھی بھرپور شرکت کی۔
اس کے علاوہ بھارتی اور پاکستانی شوبز شخصیات بھی آننت امبانی کی سالگرہ کے جشن کا حصہ بنیں۔
آننت امبانی کی سالگرہ میں پاکستانی گلوکار راحت فتح علی خان اور عاطف اسلم نے اپنی آواز کا جادو جگایا اور شاندار پرفارمنس سے سماں باندھ دیا۔
عاطف اسلم اور راحت فتح علی خان کی آننت امبانی کی سالگرہ پر پرفارمنس کی ویڈیوز سوشل میڈیا پر بھی وائرل ہورہی ہیں، تقریب میں دونوں پاکستانی گلوکاروں نے اپنے یادگار گانے گائے۔
واضح رہے کہ مکیش امبانی کے چھوٹے بیٹے آننت امبانی کی گزشتہ سال معروف بھارتی بزنس مین ویرن مرچنٹ کی بیٹی رادھیکا سے منگنی ہوئی تھی اور اب دونوں جلد شادی کے بندھن میں بندھنے والے ہیں۔
مزید خبریں :
پاکستانی گلوکار مجھ سے جلتے ہیں:چاہت فتح علی خان
26 نومبر ، 2024
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
