15 اپریل ، 2023 
پاکستان
فوٹو: فائل
کراچی چڑیا گھر میں ہتھنی نور جہاں کی حالت تشویش ناک
15 اپریل ، 2023
کراچی کے چڑیا گھر میں ہتھنی نور جہاں کی حالت تشویش ناک ہے۔
ڈائریکٹر چڑیا گھر کنور ایوب کا کہنا ہے کہ اگلے 3 دن ہتھنی کی طبیعت کے حوالے سے اہم ہیں۔
چڑیا گھر انتظامیہ کا کہناہے کہ ڈاکٹرز ہتھنی کو وٹامن کی ڈرپ لگا رہے ہیں تاکہ ہتھنی دوبارہ اپنے پیروں پرکھڑی ہو،پچھلے کئی ماہ سے نورجہاں اپنے کمزور پیروں سے کھڑی تھی۔
یاد رہے کہ کراچی چڑیا گھر کی پناہ گاہ میں موجود ہتھنی جوڑوں کے درد کی وجہ سے پچھلی ٹانگوں پر وزن ڈالنے سے معذور ہو گئی تھی۔
ہتھنی کے علاج کے لیے بیرون ملک سے ڈاکٹروں کی خصوصی ٹیم کو کراچی بلایا گیا تھا۔
جمعرات کو نور جہاں خشک تالاب میں گر گئی تھی جسے کرین کی مدد سے باہر نکالا گیا تھا۔
