22 اپریل ، 2023 
عید پر گلے ملنے سے صحت پر کیا اثرات مرتب ہوتے ہیں؟
22 اپریل ، 2023
عید سر پر آنپہنچی ہے اور خوشی کے اس تہوار پر تمام مسلمان ایک دوسرے کو گلے مل کر مبارک باد دیتے ہیں لیکن کیا آپ کو معلوم ہے کہ گلے ملنے سے صحت پر کیا اثرات مرتب ہوتے ہیں؟
تحقیق سے پتا چلا ہے کہ گلے ملنے سے آپ کا ذہنی تناؤ کم ہوتا ہے اور خوشی کا احساس ہوتا ہے، اگر آپ کام سے تھک گئے ہوں یا کسی ذہنی پریشانی میں مبتلا ہوں تو کسی پیارے اور قابل اعتماد شخص سے گرم جوشی سے گلے ملنے سے ساری تھکن دور ہو جاتی ہے۔
محققین کے مطابق 400 افراد پر مشتمل ایک سروے کیا گیا جس سے معلوم ہوا کہ گلے ملنے سے ناصرف ذہنی تناؤ اور ڈپریشن کم ہوتا ہے بلکہ موڈ بھی خوش گوار ہوجاتا ہے جس سے صحت اچھی رہتی ہے۔
انسانی جسم میں Oxytocin نامی ہارمون پایا جاتا ہے جسے ماہرین نے cuddle hormone کا نام دیا ہے، جب کوئی فرد گلے ملتا ہے تو جسم میں Oxytocin ہارمون کی تعداد میں اضافہ ہوتا ہے اور یوں انسان خوشی محسوس کرتا ہے۔
ماہرین کے مطابق یہ ہارمون خواتین میں زیادہ اثر رکھتا ہے اور خواتین میں بلڈ پریشر کو بھی کنٹرول میں رکھتا ہے۔
ماہرین کے مطابق گلے ملنے سے دل بھی صحت مند رہتا ہے اور دل کی دھڑکن بھی کنٹرول میں رہتی ہے۔
مزید خبریں :
کشمش کو روزانہ بھگو کر کھانے کے یہ اثرات جانتے ہیں؟
8 گھنٹے پہلے
جسم میں وٹامن ڈی کی کمی کا اشارہ دینے والی 7 نشانیاں
25 دسمبر ، 2024
سائنسدان انسانی خیالات کی حیران کن رفتار کا تعین کرنے میں کامیاب
25 دسمبر ، 2024
خراٹوں کا علاج کرنے والی پہلی دوا کی منظوری دیدی گئی
24 دسمبر ، 2024
