کراچی کی 6 یونین کونسلز میں دوبارہ گنتی کا الیکشن کمیشن کا حکم کالعدم قرار
19 اپریل ، 2023
اسلام آباد ہائیکورٹ نے کراچی میں 6 یونین کونسلز میں دوبارہ گنتی کاالیکشن کمیشن کا حکم کالعدم قرار دے دیا۔
اسلام آباد ہائیکورٹ کے جسٹس سردار اعجاز اسحاق خان نے دوبارہ گنتی روکنے کی جماعت اسلامی کی درخواست پرفیصلہ سنادیا، اس موقع پر جماعت اسلامی کے وکیل قیصرامام اور حسن جاوید شورش عدالت میں پیش ہوئے جب کہ الیکشن کمیشن حکام اور دیگر امیدواروں کے وکلا بھی عدالت میں پیش ہوئے۔
عدالت نے کہا کہ الیکشن کمیشن کاحکم کالعدم قراردینےکی وجوہات تفصیلی فیصلے میں جاری ہوں گی۔
