24 اپریل ، 2023 
پاکستان
فوٹو: فائل
جامشورو سے سیہون جانے والی کوسٹرکو حادثہ، 6 افراد جاں بحق
24 اپریل ، 2023
حیدرآباد: جامشورو سے سیہون جانے والی کوسٹر کو حادثہ پیش آیا ہے جس کے نتیجے میں 6 افراد جاں بحق ہوگئے۔
ایس ایس پی جامشورو عمران قریشی نے بتایا کہ حادثہ انڈس ہائی وے پر پیش آیا جہاں تھوڑی پھاٹک کے مقام پر تیز رفتار کوسٹر ڈرائیور سےکوسٹر بے قابو ہوکر سڑک سے نیچے کچے میں جا گری۔
حادثے کے نتیجے میں دو بچوں اور خواتین سمیت 6 افراد جاں بحق ہوگئے۔
مسافر کوسٹر حیدرآباد سے سیہون جارہی تھی،لاشوں اور زخمیوں کو مانجھند تعلقہ اسپتال اور عبداللہ شاہ میڈیکل انسٹی ٹیوٹ سیہون منتقل کیا گیا ہے۔
