25 اپریل ، 2023 
ترجمان پاک فوج نے باجوہ اور فیض حمید کے کورٹ مارشل سے متعلق سوال کا کیا جواب دیا؟
25 اپریل ، 2023
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) میجر جنرل احمد شریف چوہدری نے کہا ہے کہ پاک فوج کا اندرونی تادیبی کارروائی کا نظام حقائق کی بنیاد پر چلتا ہے۔
پریس کانفرنس کے دوران سابق آرمی چیف جنرل (ر) باجوہ اور سابق ڈی جی آئی ایس آئی لیفٹیننٹ جنرل (ر) فیض حمید کے کورٹ مارشل سے متعلق سوال پر ترجمان پاک فوج کا کہنا تھاکہ آرمی سے متعلق خبر کا مصدقہ ذریعہ صرف آئی ایس پی آرکی پریس ریلیز ہے، اس حوالے سے مضروضوں اور قیاس آرائیوں پر نہ جائیں، سوشل میڈیا پر آئی ایس پی آر کے فیک اکاؤنٹس بھی موجود ہیں۔
انہوں نے کہا کہ پاک فوج کا اندرونی تادیبی کارروائی کا نظام حقائق کی بنیاد پر چلتا ہے، پاک فوج اپنے لوگوں کے خلاف تادیبی کارروائیاں قیاس آرائیوں پر نہیں کرتی ہے۔
