27 اپریل ، 2023 
شمالی کوریا کے جوہری حملے کا نتیجہ کم جونگ اُن کی حکومت کا خاتمہ ہوگا، جو بائیڈن
27 اپریل ، 2023
امریکی صدر جوبائیڈن کا کہنا ہے کہ امریکا یا اس کے اتحادیوں پر شمالی کوریا کے جوہری حملے کا نتیجہ شمالی کوریا کے سربراہ کم جونگ اُن کی اپنی حکومت کا خاتمہ ہوگا۔
غیر ملکی میڈیا رپورٹس کے مطابق واشنگٹن میں جنوبی کورین صدر یون سُک یول کے ساتھ مشترکہ پریس کانفرنس میں صدر بائیڈن کا کہنا تھا کہ امریکا، اس کے اتحادیوں یا شراکت داروں پر شمالی کوریا کا جوہری حملہ ناقابل قبول ہوگا۔
امریکی صدر نے خبردار کیا کہ شمالی کوریا کے سربراہ کم جونگ نے جوہری حملہ کیا تو ان کی اپنی حکومت ختم ہو جائے گی۔
دوسری جانب جنوبی کورین صدر یون سُک یول کا کہنا تھا کہ شمالی کوریا کے ساتھ امن طاقت کے ذریعے آئے گا، صدر بائیڈن کے ساتھ اس بات پر اتفاق ہوا ہے کہ خیرسگالی کی بنیاد پر گمراہ کُن امن کے بجائے طاقت کی برتری سے ہی امن حاصل ہوگا۔
خیال رہے کہ جنوبی کوریا کے صدر رواں ہفتےامریکا کے دورے پر ہیں۔
مزید خبریں :
حزب اللہ کے راکٹ حملے میں اسرائیلی شہری ہلاک
1 گھنٹے پہلے
چچا کے تھپڑ مارنے پر 3 سالہ بھتیجی جان سے چلی گئی
2 گھنٹے پہلے
