30 اپریل ، 2023 
دنیا
یوکرینی شیلنگ کے نتیجے میں گاؤں کی ایک رہائشی عمارت مکمل تباہ اور دو گھروں کو بھی جزوی نقصان پہنچا ہے: گورنر— فوٹو: فائل
یوکرین کی روسی گاؤں پر شیلنگ، 4 افراد ہلاک
30 اپریل ، 2023
روسی گاؤں پر یوکرینی شیلنگ کے نتیجے میں چار شہری ہلاک جبکہ ایک رہائشی عمارت مکمل طور پر تباہ ہو گئی۔
غیر ملکی میڈیا کے مطابق روس کے مقامی گورنر الیگزینڈر بوگوماز نے دعویٰ کیا ہے کہ روس کے بریانسک ریجن میں ایک گاؤں پر یوکرین کی جانب سے شیلنگ کی گئی ہے۔
گورنر کے مطابق روسی گاؤں پر یوکرین کی شیلنگ کے نتیجے میں چار شہری ہلاک جبکہ دو زخمی ہو گئے ہیں۔
گورنر کا کہنا ہے کہ یوکرینی شیلنگ کے نتیجے میں گاؤں کی ایک رہائشی عمارت مکمل تباہ اور دو گھروں کو بھی جزوی نقصان پہنچا ہے۔
گونر نے الزام عائد کیا کہ روسی گاؤں پر یوکرینی قومپرستوں نے حملہ کیا جبکہ یوکرین نے روس یا روسی زیر تسلط علاقوں میں حملوں کے الزامات کو مسترد کر دیا ہے۔
