01 مئی ، 2023 
شائقین کرکٹ نے اہلیہ مزنا کو حارث رؤف کیلئے خوش قسمت قرار دے دیا
01 مئی ، 2023
شائقین کرکٹ نے حارث رؤف کی اہلیہ مزنا کو حارث کیلئے خوش قسمت قرار دے دیا۔
ہفتے کو پاکستان نے پنڈی کرکٹ اسٹیڈیم میں نیوزی لینڈ کو دوسرے ون ڈے میں بھی شکست دے کر 5 میچز کی سیریز میں دو صفر کی برتری حاصل کرلی۔
کیویز نے مقررہ 50 اوورز میں 5 وکٹوں کے نقصان پر 336 رنز بنائے۔ گرین شرٹس کی جانب سے حارث رؤف نے 4 کھلاڑیوں کو آؤٹ کیا۔
پاکستان نے ہدف فخر کی شاندار 180 رنز کی بدولت با آسانی پورا کرلیا۔
اس میچ کو دیکھنے کیلئے حارث رؤف کی اہلیہ مزنا مسعود بھی میدان میں موجود تھیں اور یہی وجہ ہے کہ شائقین نے کرکٹ نے اہلیہ کو حارث رؤف کے لیے خوش قسمت قرار دیا۔
حارث نے پنڈی کی بے جان پچ پر شاندار بولنگ کا مظاہر ہ کیا اور 10 اوورز میں 78 رنز دے کر 4 وکٹیں حاصل کیں، مداحوں کا خیال ہے کہ اہلیہ کی میدان میں موجودگی حارث کے لیے خوش قسمتی کا باعث بنی۔
میچ میں ایک لمحہ تو ایسا بھی آیا کہ جب مزنا بڑی اسکرین پر دکھائی دیں تو حارث رؤف نے اُسی اوور میں وکٹ بھی لے لی، شوہر کی شانداربولنگ پر مزنابھی لطف اندوز ہوئیں۔
واضح رہے کہ گزشتہ سال دسمبر میں پاکستان کے فاسٹ بولر حارث رؤف اپنی کلاس فیلو مزنا مسعود ملک سے رشتہ ازدواج میں منسلک ہوئے تھے۔
