01 مئی ، 2023 
ٹاپ آرڈر پرفارم کرتا ہے اس لیے مجھے مڈل آرڈر میں زیادہ موقع نہیں ملا: افتخار
01 مئی ، 2023
پاکستان کرکٹ ٹیم کے مڈل آرڈر بیٹر افتخار احمد کا کہنا ہے کہ میرا ہدف یہی ہے کہ ورلڈکپ کھیلوں اور ٹیم کو جتواؤں۔
جیو نیوز سے گفتگو میں افتخار احمد نے کہا کہ ٹیم میں واپسی پر خوشی ہوئی ہے، میرا فوکس یہی ہے کہ اچھا پرفارم کرکے ٹیم کو کامیابی دلواؤں، ہمیشہ ہمارا ٹاپ آرڈر پرفارم کرتا ہے اس لیے مجھے مڈل آرڈر میں زیادہ موقع نہیں ملا، کبھی دو اوور کھیلا، کبھی تین، کبھی پانچ، زیادہ موقع نہیں ملا۔
افتخار احمد نے مزید کہا کہ بطور پروفیشنل یہی سوچتا ہوں کہ دو بالز کھیلوں یا پانچ، اپنی ٹیم کیلئے کھیلوں، آسٹریلیا کیخلاف لاسٹ میچ کھیلا، ویسٹ انڈیز ٹوور میں باہر بیٹھا رہا، کم بیک تو اس وقت ہوتا ہے جب آپ پرفارمنس کی وجہ سے ٹیم سے باہر ہوں، میرا ہدف یہی ہے کہ ورلڈ کپ کھیلوں اور ٹیم کو کامیابی دلواؤں۔
جارح مزاج بیٹر نے کہا کہ میرا ٹیم میں کردار فنشر کا ہی ہے اور میں اس کردار کو ہمیشہ نبھانے کی کوشش کرتا ہوں، منیجمنٹ ہمیشہ یہی کہتی ہے کہ جا کر اپنا نیچرل گیم کھیلو، مجھے جہاں بھی موقع ملتا ہے میں اپنی کرکٹ کو انجوائے کرتا ہوں۔
