04 مئی ، 2023 
آئی ایم ایف نے پاکستان سے پالیسی ریٹ مزید بڑھانےکا مطالبہ کردیا
04 مئی ، 2023
بین الاقوامی مالیاتی فنڈ (آئی ایم ایف) نے پاکستان سے پالیسی ریٹ مزید بڑھانےکا مطالبہ کردیا۔
آئی ایم ایف کا کہنا ہےکہ افراط زر میں استحکام لانےکے لیے پالیسی ریٹ مزید بڑھانے کی ضرورت ہے۔
آئی ایم ایف مشن چیف ناتھن پورٹر نے غیر ملکی خبر رساں ایجنسی سے بات چیت کرتے ہوئےکہا پاکستانی حکام کے ساتھ اگلے بجٹ اہداف میں اہداف کے تعین کے لیے بات چیت جاری ہے۔
ناتھن پورٹر کا کہنا ہےکہ بجٹ اہداف خاص طور پر مالی خسارےکا تعین اسٹاف لیول معاہدے کی راہ میں آخری رکاوٹوں میں سے ایک ہے، اسٹاف لیول معاہدےکے بعد ہی پاکستان کو 1.1 ارب ڈالر کی قسط جاری ہوسکتی ہے۔
دوسری جانب عالمی ادارے کی آؤٹ لک رپورٹ کے مطابق رواں برس پاکستان میں مہنگائی کی اوسط شرح 27 فیصد رہےگی، موجودہ مالی سال پاکستان کی معاشی شرح نمو اعشاریہ پانچ فیصد رہنےکا امکان ہے۔
عالمی ادارے کے مطابق اس سال پاکستان کا بجٹ خسارہ 6.8 فیصد جب کہ اگلے سال 8.3 فیصد تک جانے کا تخمینہ ہے۔
خیال رہےکہ پاکستان میں اس وقت شرح سود 21 فیصد ہے۔
مزید خبریں :
انٹربینک میں ڈالر سستا ہوگیا
24 دسمبر ، 2024
ملک میں سونا سینکڑوں روپے سستا ہوگیا
24 دسمبر ، 2024
انٹربینک میں ڈالر مہنگا ہوگیا
23 دسمبر ، 2024
ملک میں فی تولہ سونےکی قیمت کتنی ہے؟
23 دسمبر ، 2024
پاور سیکٹر کو مزید 50 ارب روپے سے زائد کی سبسڈی دینے کا فیصلہ
22 دسمبر ، 2024
