08 مئی ، 2023 
پاکستان
ریڈنوٹس کی درخواست میڈیا پر جاری کرکے ہتک عزت کی گئی، ایسے ریڈ وارنٹ جاری کرکے ملک کی بدنامی ہوتی ہے/ فائل فوٹو
فرح گوگی کی لیگل ٹیم نے ایف آئی اے اور انٹرپول کو قانونی نوٹس بھیج دیا
08 مئی ، 2023
لاہور: سابق وزیراعظم عمران خان کی اہلیہ بشریٰ بی بی کی قریبی دوست فرح گوگی کی لیگل ٹیم نے ایف آئی اے اور انٹرپول کو قانونی نوٹس بھجوا دیا۔
فرح گوگی کی لیگل ٹیم کے مطابق فرح گوگی کے خلاف کی جانے والی کارروائی سیاسی بنیادوں پر ہے، ان کے خلاف درج مقدمہ ایف آئی اےکے دائرہ اختیار سے باہر ہے، فرح گوگی کے ریڈوارنٹ کے لیے کی جانے والی خط وکتابت آرٹیکل3 کی خلاف ورزی ہے۔
لیگل ٹیم کا کہنا ہےکہ ریڈنوٹس کی درخواست میڈیا پر جاری کرکے ہتک عزت کی گئی، ایسے ریڈ وارنٹ جاری کرکے ملک کی بدنامی ہوتی ہے۔
لیگل ٹیم نے انٹرپول سے درخواست کی ہےکہ ریڈوارنٹ کے لیے دوبارہ خط لکھا جائے تو سخت کارروائی کریں۔
