09 مئی ، 2023 
پاکستان
فوٹو: اسکرین شاٹ/فائل
عمران خان کی گرفتاری کے وارنٹ کس نے جاری کیے؟ تفصیلات سامنے آگئیں
09 مئی ، 2023
عمران خان کو اسلام آباد ہائی کورٹ سے گرفتار کرنےکے حوالے سے تفصیلات سامنے آگئیں۔
قومی احتساب بیورو (نیب) کی جانب سے عمران خان کے وارنٹ یکم مئی کو جاری ہوئے تھے، عمران خان کے وارنٹ چیئرمین نیب کے دستخط سے جاری ہوئے۔
نیب نے عمران خان کونیشنل اکاؤنٹیبیلٹی آرڈیننس 1999 کے سکیشن 9 اے کے تحت گرفتار کیا،عمران خان کو نیب نے 34 اے ، 18 ای ، 24 اے کے تحت کارروائی عمل میں لاتے ہوئے گرفتار کیا۔
نیب اعلامیے کے مطابق عمران خان پر کرپشن اور کرپٹ پریکٹسز میں ملوث ہونےکا الزام ہے، عمران خان کو متعلقہ عدالت میں پیش کیا جائےگا۔
ذرائع کے مطابق عمران خان کو نیب راولپنڈی منتقل کردیا گیا ہے، نیب راولپنڈی آفس میں عمران خان کا طبی معائنہ کیا جا رہا ہے۔
