09 مئی ، 2023 
پاکستان
نیب نے چیئرمین تحریک انصاف اور سابق وزیراعظم عمران خان کو گرفتار کیا ہے— فوٹو:فائل
ملک بھر میں یوٹیوب، فیس بک اور ٹوئٹر بند
09 مئی ، 2023
ملک بھر میں انٹرنیٹ سروسز متاثر ہیں جس سے صارفین کو مشکلات کا سامنا ہے۔
ملک بھر میں کئی شہروں میں یوٹیوب، فیس بک اور ٹوئٹرکی سروسز بند کردی گئی ہیں جس کے باعث صارفین کو مشکلات کا سامنا ہے۔
اس کے علاوہ مختلف شہروں میں انٹرنیٹ سروس بھی متاثر ہے۔
اس حوالے سے پاکستان ٹیلی کمیونیکیشن اتھارٹی کا کہنا ہے کہ انٹرنیٹ سروس وزارت داخلہ کی ہدایات پرمعطل کی ہیں۔ حکومتی ذرائع کے مطابق سوشل میڈیاپرجھوٹ اور پروپیگنڈے کے باعث یہ اقدام کیا گیا۔
خیال رہے کہ قومی احتساب بیورو (نیب) نے چیئرمین تحریک انصاف اور سابق وزیراعظم عمران خان کو گرفتار کرلیا ہے۔
جس کے بعد ملک کے کئی شہروں میں پی ٹی آئی کارکنوں نے احتجاج کیا ہے۔
