14 مئی ، 2023 
پرینیتی اور راگھو کی منگنی کی انگوٹھیوں کی قیمت کیا ہے؟
14 مئی ، 2023
بالی وڈ اداکارہ پرینیتی چوپڑا اور عام آدمی پارٹی کے رکن پارلیمنٹ راگھو چڈھا کی منگنی کی تقریب گزشتہ روز دہلی میں منعقد کی گئی جس میں کئی معروف بھارتی شخصیات نے شرکت کی۔
منگنی کی تقریب میں پریانکا چوپڑا، قریبی دوستوں اور خاندان کے چند لوگوں نے شرکت کی، اس کے علاوہ بھارتی ریاست دہلی کے وزیر اعلیٰ و عام آدمی پارٹی کے سربراہ اروند کیجریوال بھی اہلیہ کے ہمراہ منگنی کی تقریب میں شریک ہوئے۔
اداکارہ اور ان کے منگیتر نے منگنی کی تصاویر سوشل میڈیا پر شیئر کیں جو اب وائرل ہو رہی ہیں۔
تاہم تقریب میں پرینیتی چوپڑا اور راگھو چڈھا نے ایک دوسرے کو انگوٹھیاں پہنائیں جس کے کافی چرچے ہو رہے ہیں، صارفین کی جانب سے پرینیتی کی بڑے ہیرے والی انگوٹھی کو کافی سراہا جا رہا ہے۔
بھارتی میڈیا کی رپورٹ میں دعویٰ کیا گیا ہےکہ راگھو چڈھا کی منگنی کی انگوٹھی کی قیمت ایک لاکھ پانچ ہزار بھارتی روپے تھی۔
دوسری جانب ایک اور رپورٹ میں بتایا گیا ہےکہ بالی وڈ اداکارہ پرینیتی چوپڑا کی منگنی کی انگوٹھی کی قیمت راگھو چڈھا سے کہیں زیادہ ہے۔
ان کی انگوٹھی تقریباً 80 سے 90 لاکھ بھارتی روپے کی تھی۔
