17 مئی ، 2023 
ایشیا کپ: پی سی بی نے ہائبرڈ فارمولے کیلئے اپنا 'ترجیحی وینیو' بتادیا
17 مئی ، 2023
ایشیا کپ کے حوالے سے پاکستان کرکٹ بورڈ نے ہائبرڈ فارمولے کے لیے دبئی کو ترجیحی وینیو قرار دے دیا۔
ذرائع کے مطابق دبئی کو ترجیحی وینیو گیٹ منی کی وجہ سے قرار دیا گیا ہے۔
پی سی بی کا مؤقف ہے کہ کولمبو یا کسی اور وینیو سے دبئی کی طرح گیٹ منی حاصل نہیں ہو سکتی، دبئی کے علاوہ کسی اور وینیو کی وجہ سے گیٹ منی کا نقصان ایشین کرکٹ کونسل کو پورا کرنا چاہیے۔
ذرائع کے مطابق پی سی بی کو ازسر نو پیش کیے جانے والے ہائبرڈ فارمولے کے منظور ہونے کی بھی امید ہے اور سری لنکا اور بنگلادیش کی ہاں کے بعد پی سی بی جلد فیصلے کے لیے پُراعتماد ہے۔
اے سی سی کے اجلاس کے حوالے سے پی سی بی کو تاحال نہیں بتایا گیا تاہم پی سی بی کو یقین ہے کہ ہائبرڈ فارمولے میں پاکستان کی ترجیح کو اہمیت دی جائے گی۔
ہائبرڈ فارمولے میں پاکستان نیپال کے خلاف میچ اپنے ملک میں کھیلے گا، 3 میچز میں بنگلادیش، افغانستان اور سری لنکا کی ٹیمیں آمنے سامنے ہوں گی۔
ذرائع کا کہنا ہے کہ ٹورنامنٹ میں بھارت کے گروپ میچز، ٹاپ چار ٹیموں اور فائنل ہائبرڈ فارمولے کے وینیو پر ہوگا۔
مزید خبریں :
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
بابر اعظم نے ایک اور اعزاز اپنے نام کرلیا
25 دسمبر ، 2024
