18 مئی ، 2023 
بھارتی کرکٹر ویرات کوہلی 18 نمبر کی شرٹ کیوں پہنتے ہیں؟
18 مئی ، 2023
بھارتی اسٹار کرکٹر ویرات کوہلی نے اس راز سے پردہ ہٹا دیا ہے کہ وہ ’18‘ نمبر کی شرٹ کیوں پہنتے ہیں۔
اپنے ایک انٹرویو کے دوران ویرات کوہلی نےشرٹ کے نمبر سے جڑی کہانی سناتے ہوئے بتایا کہ انڈر 19 ٹیم میں مجھے پہلی بار 18 نمبر کی شرٹ ملی تھی، میں نے یہ شرٹ نمبر لینے کیلئے نہیں کہا تھا، یہ نمبر مجھے دیا گیا۔
شرٹ نمبر 18 کے پیچھے کی کہانی سناتے ہوئے انہوں نے مزید بتایا کہ تب میرے لیے یہ صرف ایک نمبر تھا، لیکن وقت کے ساتھ یہ نمبر میری زندگی میں بہت اہم بن گیا۔
ویرات کوہلی نے بتایا کہ بھارت کی قومی کرکٹ ٹیم کیلئے میرا ڈیبیو 18 اگست 2008 کو ہوا تھا، 2008 میں 18 دسمبر کو میرے والد بھی اس دنیا سے چلے گئے تھے۔ یہ دونوں تاریخیں میری زندگی میں بڑی اہم ہیں، اور یہ شرٹ مجھے ان واقعات سے بہت پہلے ملی تھی۔
ان کا کہنا تھا کہ اس نمبر کا میرے ساتھ جادوئی تعلق بن چکا ہے، کبھی سوچا نہیں تھا کہ لوگ میرے نام اور نمبر کی شرٹ پہنیں گے۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
