18 مئی ، 2023 
نیشنل گیمز: آرمی کی کشمالہ طلعت نے نیا قومی ریکارڈ اپنے نام کر لیا
18 مئی ، 2023
نیشنل گیمز شوٹنگ کے مقابلوں میں آرمی نے مزید چار گولڈ میڈلز جیت کر نیوی کو پیچھے چھوڑ دیا جبکہ آرمی کی شوٹر کشمالہ طلعت نے نیا قومی ریکارڈ بھی اپنے نام کر لیا۔
جمعرات کو چاروں گولڈ میڈلز ایونٹ میں آرمی کے شوٹرز چھائے رہے، خواتین کی 25 میٹر پسٹل مقابلوں میں آرمی کی کشمالہ طلعت نے 582 اسکور بنا کر 571 کا پچھلا ریکارڈ توڑتے ہوئے نیا نیشنل ریکارڈ اور گولڈ میڈل اپنے نام کیا۔
نیوی کی رسام گل نے اس ایونٹ میں سلور جبکہ نیوی کی مہوش فرحان نے برانز میڈل اپنے نام کیے
ویمن 25 میٹر پسٹل ٹیم ایونٹ میں آرمی نے گولڈ، نیوی نے سلور، واپڈا نے برانز میڈیل حاصل کیا۔
مَردوں کی 50 میٹر پسٹل مقابلوں میں آرمی کے اظہر عباس نے گولڈ میڈل جیتا جبکہ میمز 50 میٹر پسٹل ٹیم میں بھی آرمی نے گولڈ میڈل حاصل کیا، نیوی نے سلور اور ائیر فورس نے برانز جیتے۔
