18 مئی ، 2023 
بشار الاسد عرب لیگ کانفرنس میں شرکت کیلئے جدہ پہنچ گئے
18 مئی ، 2023
بارہ سال بعد عرب لیگ میں شام کے دوبارہ شامل ہونے پر شامی صدر بشار الاسد عرب لیگ کے اجلاس میں شرکت کرنے سعودی عرب پہنچ گئے۔
عرب میڈیا کے مطابق عرب لیگ کے بتیسویں اجلاس میں شرکت کیلئے شام کے صدر بشارالاسد سعودی عرب کے شہر جدہ پہنچ گئے۔
شامی صدر بشارالاسد کے جدہ ائیرپورٹ پہنچنے پر سعودی حکام کی جانب سے ان کا استقبال کیا گیا۔
مصرکےصدر، بحرین کے شاہ حمد بن عیسیٰ، فلسطینی صدر محمود عباس بھی جدہ پہنچ چکے ہیں۔
شام کی عرب لیگ میں دوبارہ شمولیت کے بعد سعودی عرب نے شامی صدر کو مدعو کیا تھا۔
شام میں ہونے والی خانہ جنگی میں عوام اور مظاہرین سے روا شامی حکومت کے ناروا سلوک کے خلاف 2012 میں شام کو عرب لیگ سے نکال دیا گیا تھا اور بیشتر عرب ممالک نے شام سے تعلقات منقطع کر لیے تھے۔
