22 مئی ، 2023 
کھیل
جیت سے حوصلہ ملا، کوشش ہوگی کہ سیریز بھی جیتیں: قاسم اکرم
22 مئی ، 2023
پاکستان شاہینز ٹیم کے کھلاڑی قاسم اکرم نے کہا ہے کہ زمبابوے کے خلاف اس جیت سے ہمیں حوصلہ ملا ہے، کوشش ہوگی کہ اگلے تینوں میچ جیت کر سیریز بھی جیتیں۔
ہرارے میں زمبابوے کے خلاف میچ جیتنے کے بعد بات چیت کرتے ہوئے انہوں نے کہا کہ جس وقت میں بیٹنگ کررہا تھا اس وقت صورتحال بہت پریشر والی تھی لیکن یہ سوچ کر بیٹنگ کرتا رہا کہ وکٹ پر ٹھہرنا ہے اور ساتھ ساتھ اٹیکنگ کرکٹ بھی کھیلنی ہے۔
قاسم اکرم نے کہا کہ نہ صرف اپنی بیٹنگ پر توجہ تھی بلکہ ساتھی بیٹر کو بھی سمجھاتا جارہا کہ آرام سے کھیلو، مجھے اپنی بیٹنگ پر بہت اعتماد تھا اور میں نے موقعے سے فائدہ اٹھایا۔
ان کا کہنا تھا کہ کوچ اور کپتان بتا رہے تھے کہ روشنی کم ہورہی ہے اور ہم ڈک ورتھ قانون کے تحت کتنا آگے ہیں۔
