22 مئی ، 2023 
پاکستان
عمران خان سےبیرون ملک مقیم رہنماؤں نے رابطہ کیا ہے جنہیں عمران خان نے پاکستان آنے سے روک دیا ہے: پارٹی ذرائع__فوٹو: فائل
عمران خان نے بیرون ملک مقیم پی ٹی آئی رہنماؤں کو پاکستان آنے سے روک دیا
22 مئی ، 2023
پاکستان تحریک انصاف (پی ٹی آئی) کے چیئرمین عمران خان نے تمام پارٹی رہنماؤں کو گرفتاری سے بچنے کی ہدایت کی ہے۔
پی ٹی آئی ذرائع کے مطابق عمران خان سے بیرون ملک مقیم رہنماؤں نے رابطہ کیا ہے جنہیں عمران خان نے پاکستان آنے سے روک دیا ہے۔
مخدوم طارق، زلفی بخاری اور شہبازگل سمیت دیگر رہنماؤں کو 2 ہفتے تک ملک واپس نہ آنےکی ہدایت دی گئی ہے۔
ذرائع کے مطابق عمران خان نےکہا ہےکہ جب تک پارٹی معاملات ٹھیک نہیں ہوتے آپ وطن واپس نہ آئیں، پاکستان واپس آنےکی صورت میں آپ کو گرفتار کیاجاسکتا ہے۔
رہنما پی ٹی آئی مخدوم طارق کا کہنا ہے کہ قیادت کی جانب سےحکم ملتےہی تمام رہنما وطن واپس آئیں گے۔
