28 مئی ، 2023
ایشیائی ممالک میں سموسے پکوڑے اور چاٹ جیسے چٹ پٹے کھانے سب کو ہی پسند ہوتے ہیں لیکن ان کھانوں کی مانگ بیرون ملک میں بھی ہے لیکن اکثر اوقات ان کی قیمت بھی حیران کردیتی ہے۔
ایک بھارتی امریکی یو ٹیوبر کی جانب سے ویڈیو شیئر کی گئی جس میں انہوں نے اپنے سموسے خریدنے کا تجربہ بتایا ہے۔
یوٹیوبر کی جانب سے بتایا گیا کہ بھارت میں 2 سموسوں کی قیمت 20 روپے ہے لیکن امریکا میں ان کی قیمت 500 روپے بھارتی روپے ہے۔
سموسے کی مہنگی قیمت کے بعد یوٹیوبر نے اپنی ویڈیو میں غصے کا اظہار کرتے ہوئے کہا کہ چلو بھائی دوبارہ بہار ہی چلتے ہیں۔