28 مئی ، 2023 
پاکستان
یاسین ملک پر بھارت نے بدترین تشدد کیا ہے، انہیں عدالتوں میں پیش نہیں کیا جاتا: اہلیہ یاسین ملک
یاسین ملک کو کچھ ہوا تو ذمہ داری مودی پر ہوگی: مشعال ملک
28 مئی ، 2023
کشمیری حریت رہنما یاسین ملک کی اہلیہ مشعال ملک نے کہا ہے کہ یاسین ملک جب بھوک ہڑتال پر گئے تو میں نے مودی کو خط لکھا تھا کہ اگر ان کو کچھ ہوا تو ذمہ دار آپ ہوں گے۔
لاہور پریس کلب میں میڈیا سے گفتگو کرتے ہوئے مشعال ملک نے کہا کہ یاسین ملک پر بھارت نے بدترین تشدد کیا ہے، انہیں عدالتوں میں پیش نہیں کیا جاتا، جو بھی ان کا وکیل ہوتا ہے اس کو خوفزدہ کرنے کی کوشش کی جاتی ہے۔
انہوں نے بتایا کہ یاسین ملک نے کہا ہے کہ میں اپنے کیس کا خود ہی وکیل بن جاتا ہوں۔
مشعال ملک کا کہنا تھا کہ سید علی گیلانی، مقبول بٹ سمیت دیگر رہنماؤں کے ساتھ جو کیا گیا وہ سب نے دیکھا، یاسین ملک نے اپنی زندگی، ساری خوشیاں وطن کی مٹی پر قربان کی ہیں۔
