29 مئی ، 2023 
کھیل
پاکستان ویمنز کپ کے دوران ضابطہ اخلاق کی خلاف ورزی پر قومی ویمن کرکٹر بسمہ معروف پر میچ فیس کا 20 فیصد جرمانہ عائد کر دیا گیا۔ فوٹو فائل
پاکستان ویمنز کپ: امپائر کے فیصلے پر اعتراض بسمہ معروف کو مہنگا پڑ گیا
29 مئی ، 2023
پاکستان ویمنز کپ میں امپائر کے فیصلے پر ناراضی کا اظہار کرنا بسمہ کو مہنگا پڑ گیا۔
پاکستان کرکٹ بورڈ کے مطابق پاکستان ویمنز کپ کے دوران ضابطہ اخلاق کی خلاف ورزی پر قومی ویمن کرکٹر بسمہ معروف پر میچ فیس کا 20 فیصد جرمانہ عائد کر دیا گیا۔
پی سی بی کے مطابق بسمہ معروف پر پی سی بی کے ضابطہ اخلاق کی خلاف ورزی پر جرمانہ عائد کیا گیا، بسمہ معروف نے ضابطہ اخلاق کے لیول ون کے آرٹیکل 2.8 کی خلاف ورزی کی۔
واقعہ بلاسٹرز کے خلاف ڈائنامائٹس کی اننگز کے 40 اوور میں پیش آیا جب بسمہ معروف کو ایل بی ڈبلیو آؤٹ دیا گیا، بسمہ نے غلطی اور جرمانے کو تسلیم کیا۔
