30 مئی ، 2023 
پاکستان
تاریخی اور معاشی اہمیت کے حامل شہر لاڑکانہ کے شہری گزشتہ 10 ماہ سے ٹرین سروس سے محروم ہیں/ فائل فوٹو
سیلاب کو گزرے 10 ماہ ہوگئے، لاڑکانہ سے ٹرین سروس شروع نہ ہوسکی
30 مئی ، 2023
ملک میں سیلابی صورتحال کو گزرے 10 ماہ ہونے کے باوجود لاڑکانہ سے کراچی اور کوئٹہ کے لیے ٹرین سروس بدستور معطل ہے جس کے باعث شہری مہنگے داموں نجی ٹرانسپورٹ سے سفر کرنے پر مجبور ہیں۔
تاریخی اور معاشی اہمیت کے حامل شہر لاڑکانہ کے شہری گزشتہ 10ماہ سے ٹرین سروس سے محروم ہیں۔
ریلوے حکام کا کہنا ہے کہ سیلاب متاثرہ ٹریک کا مرمتی کام مکمل کیا جاچکا ہے اور جون تک گاڑیوں کی آمدورفت شروع ہونے کا امکان ہے۔
چیئرمین پی پی بلاول بھٹو کے سیکرٹری جمیل سومرو کا کہنا ہے ٹرین سروس اور جہاز سروس کی بحالی کےلیے بلاول بھٹو نے وزیراعظم اور متعلقہ حکام کو متوجہ کیا ہے اور توقع ہے کہ جلد ہی ٹرین سروس بحال کردی جائے گی۔
