31 مئی ، 2023 
فوزیہ کو عافیہ صدیقی سے گلے ملنے اور ہاتھ ملانے تک کی اجازت نہیں دی گئی: سینیٹر مشتاق
31 مئی ، 2023
امریکا میں قید ڈاکٹرعافیہ صدیقی سے ان کی بہن فوزیہ صدیقی نے ٹیکساس کی ایف ایم سی کارزویل جیل میں 20 سال بعد ملاقات کی ہے۔
جماعت اسلامی کے سینیٹر مشتاق احمد کے مطابق 20سال بعد ہونے والی ملاقات ڈھائی گھنٹے جاری رہی جس میں ڈاکٹر فوزیہ کو عافیہ سے گلے ملنے اور ہاتھ ملانے تک کی اجازت نہیں دی گئی۔
ان کا کہنا تھاکہ فوزیہ صدیقی کو اس بات کی بھی اجازت نہیں دی گئی کہ وہ ڈاکٹرعافیہ کو ان کے بچوں کی تصاویر دکھاسکیں۔
انہوں نے کہا کہ جیل میں حملے کی وجہ سے ڈاکٹر عافیہ کے سامنے کے دو دانت گرچکے، سرپر ایک چوٹ کی وجہ سے سننے میں بھی مشکل پیش آرہی تھی۔
ان کا کہنا تھاکہ جمعرات کو دوبارہ ملاقات طے ہے، میں خود بھی ملوں گا۔
ڈاکٹر عافیہ صدیقی کیس کے وکیل کا کہنا ہے کہ ڈاکٹر عافیہ نے ملاقات میں اپنی بہن سے کہا کہ وہ ہر وقت اپنی والدہ، والد، بہن اور بچوں کو یاد کرتی ہیں اور انہی کے بارے میں سوچتی ہیں۔
مزید خبریں :
حزب اللہ کے راکٹ حملے میں اسرائیلی شہری ہلاک
10 گھنٹے پہلے
چچا کے تھپڑ مارنے پر 3 سالہ بھتیجی جان سے چلی گئی
10 گھنٹے پہلے
