02 جون ، 2023 
آسٹریلوی کرکٹر اسٹیو اسمتھ نے بابر اور شاہین آفریدی کی تعریف کن الفاظ میں کی؟
02 جون ، 2023
آسٹریلوی کرکٹر اسٹیو اسمتھ نے پاکستان کرکٹ ٹیم کے کپتان بابر اعظم اور فاسٹ بولر شاہین شاہ آفریدی کی تعریفیں کر ڈالیں۔
آسٹریلوی کرکٹ بورڈ کی جانب سے ٹوئٹر پر ایک ویڈیو جاری کی گئی جس میں اسٹیو اسمتھ نے پاکستانی کرکٹرز کی تعریفیں کیں۔
اسٹیو اسمتھ نے کہا کہ بابر اعظم ایک شاندار کھلاڑی ہے، گزشتہ چند سالوں میں بابر اعظم اپنے کھیل میں بہتری لایا ہے ،پاکستان کے خلاف سیریز میں ہمیں اس کو قابو کرنا ہوگا۔
انہوں نے کہا کہ بابر ایک خطرناک کھلاڑی ہے جو بہترین پیس کے ساتھ زیادہ رنز بناتا ہے۔
اس کے علاوہ اسٹیو اسمتھ شاہین آفریدی کے کھیل کے بھی معترف نکلے۔
اسٹیو اسمتھ نے کہا کہ پاکستان کے آسٹریلیا کے دورہ کے بعد شاہین کے کھیل میں بہتری آئی ہے، شاہین کی گیند کو سوئنگ کرنے کی صلاحیت اس کی بڑی خوبی ہے، پاکستان کے خلاف سیریز میں شاہین آفریدی خطرناک ہوں گے۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
