03 جون ، 2023 
پاکستان
ہمارے 104 یوسی چیئرمین ہیں، کسی پر دباؤ نہیں ڈالا، کوئی خود سے فیصلہ کرے گا تو احترام کریں گے: وزیر بلدیات سندھ— فوٹو:فائل
حافظ نعیم کیساتھ مل کر کام کرنا چاہتے ہیں، میئرپی پی کا حق ہے: ناصرشاہ
03 جون ، 2023
وزیر بلدیات سندھ ناصر حسین شاہ کا کہنا ہے کہ جماعت اسلامی کراچی کے امیر حافظ نعیم محترم ہیں اور ان کے ساتھ مل کر کام کرنا چاہتے ہیں۔
کراچی میں میڈیا سے گفتگو میں ناصر حسین شاہ کا کہنا تھاکہ کراچی کا میئرپیپلزپارٹی کا حق ہے، ہمارے 104 یوسی چیئرمین ہیں۔
انہوں نے کہا کہ کسی پر دباؤ نہیں ڈالا، کوئی خود سے فیصلہ کرے گا تو احترام کریں گے، پی ٹی آئی کے بڑے بڑے لوگ خود پارٹی چھوڑ رہے ہیں۔
ناصر شاہ کا کہنا تھاکہ حافظ نعیم محترم ہیں، ان کے ساتھ مل کر کام کرنا چاہتے ہیں۔
خیال رہے کہ پاکستان تحریک انصاف کے چیئرمین نے میئر کراچی کیلئے جماعت اسلامی کراچی کے امیر حافظ نعیم الرحمان کی حمایت کا اعلان کیا ہے۔
میئر کا انتخاب 15 جون کو ہوگا۔
