10 جون ، 2023 
پاکستان
حریم شاہ کے خلاف ان کی سابق دوست صندل خٹک نے مقدمہ دائر کرنے کی درخواست دی تھی۔ فوٹو فائل
ٹک ٹاکر حریم شاہ کے خلاف مقدمہ درج کرنے کی درخواست خارج
10 جون ، 2023
پشاور کی عدالت نے ٹک ٹاکر حریم شاہ کے خلاف مقدمہ درج کرنے کی درخواست خارج کر دی۔
حریم شاہ کے خلاف ان کی سابق دوست صندل خٹک نے درخواست دی تھی کہ وہ ان کے خلاف سوشل میڈیا پر منفی پراپیگنڈا کر رہی ہیں۔
سندل خٹک کا اپنی درخواست میں کہنا تھا حریم شاہ انہیں سنگین دھمکیاں بھی دے رہی ہیں، ایف آئی اے درخواست کےباوجود کارروائی نہیں کر رہی۔
پشاور کی سیشن کورٹ نے حریم شاہ کے خلاف مقدمہ درج کرنے کی درخواست خارج کرتے ہوئے وفاقی تحقیقاتی ایجنسی (ایف آئی اے) کو ہدایت کی ہے کہ مستقبل میں ایف آئی اے کو قابل ادراک جرم کی شکایت موصول ہوئی تو قانونی کارروائی کرے۔
